ભારતના ઈન્ટરનેટ ડેટા પર નજર રાખી શકે એવી સિસ્ટમ અમેરિકાની નેશનલ સિક્યોરીટી એજંસીએ અમલી બનાવતા તેની સામેની પીઆઈએલ ત્વરીત સાંભળવા માટે સુપ્રીમ કોર્ટ સંમત થઈ છે. દિલ્હી યુનિવર્સિટીની લો-ફેકલ્ટીના ભૂતપૂર્વ ડીન એસ.એન. સિંહે આ પીઆઈએલ કરી છે. અમેરિકાના સત્તાવાળાઓ મોટાપાયે જાસુસી કરી શકે એવી સિસ્ટમ સામેની આ પીઆઈએલમાં જણાવાયું છે કે આ સિસ્ટમ સામે એપેક્ટ કોર્ટે દરમ્યાનગીરી કરવી જોઈએ. તેમણે એવી રજૂઆત કરી છે કે ઈન્ટરનેટ કંપનીઓએ પણ વપરાશકારોના ડેટા આપવાની બાબતે મૂક સંમતિ આપીને ઈન્ટરનેટ પરની સ્વતંત્રતા માટેના કોન્ટ્રાક્ટનો ભંગ કર્યો છે. ગત્ ૧૧ જુને સરકારે પણ ઈન્ટરનેટ પરના ડેટા પર અમેરિકાની દેખરેખ અંગે આશ્ચર્ય વ્યક્ત કર્યું હતું. અમેરિકા પાસેથી આ અંગે વધુ માહિતી મેળવાશે એમ પણ સરકારે જણાવ્યું હતું.
અત્રે ઉલ્લેખનીય છે કે જે દેશના ઈન્ટરનેટ ડેટા પર અમેરિકા પર સૌથી વધુ ધ્યાન રાખે છે તેમાં ભારત પાંચમા નંબરે છે.
0 comments:
Post a Comment